ਨਵੀਂ ਦਿੱਲੀ, 18 ਅਪ੍ਰੈਲ (ਖ਼ਬਰ ਖਾਸ ਬਿਊਰੋ)
ED ਨੇ ਖੁਲਾਸਾ ਕੀਤਾ ਹੈ ਕਿ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਜ਼ਮਾਨਤ ਦਾ ਆਧਾਰ ਬਣਾਉਣ ਲਈ ਜੇਲ ਵਿਚ ਮਿੱਠੇ ਫ਼ਲ ਤੇ ਮਠਿਆਈ ਖਾ ਰਿਹਾ। ਈਡੀ ਨੇ ਅੱਜ ਅਦਾਲਤ ਵਿਚ ਇਕ ਸੁਣਵਾਈ ਦੌਰਾਨ ਕਿਹਾ ਕਿ ਅਰਵਿੰਦ ਕੇਜਰੀਵਾਲ ਹਾਈ ਬਲੱਡ ਸ਼ੂਗਰ ਹੋਣ ਦਾ ਦਾਅਵਾ ਕਰਦੇ ਹਨ, ਪਰ ਉਹ ਜੇਲ੍ਹ ਵਿਚ ਮਠਿਆਈ ਤੇ ਅੰਬ ਖਾ ਰਹੇ ਹਨ ਤਾੰ ਜੋ ਸ਼ੂਗਰ ਵੱਧ ਜਾਵੇ। ਉਹ ਅਜਿਹਾ ਜਮਾਨਤ ਲੈਣ ਲਈ ਕਰ ਰਿਹਾ ਹੈ। ਈਡੀ ਨੇ ਇਹ ਜਵਾਬ ਡਾਕਟਰ ਨਾਲ ਸਲਾਹ ਕਰਨ ਦੀ ਇਜਾਜ਼ਤ ਮੰਗਣ ਵਾਲੀ ਅਰਜ਼ੀ ‘ਤੇ ਰੌਜ਼ ਐਵੇਨਿਊ ਕੋਰਟ ‘ਚ ਦਿੱਤਾ ਹੈ।
ਈਡੀ ਨੇ ਕੇਜਰੀਵਾਲ ਦਾ ਡਾਈਟ ਚਾਰਟ ਵੀ ਅਦਾਲਤ ਸਾਹਮਣੇ ਰੱਖਿਆ ਜਿਸ ਵਿੱਚ ਅੰਬ ਅਤੇ ਮਠਿਆਈਆਂ ਹਨ, ਜੋ ਸ਼ੂਗਰ ਦੇ ਮਰੀਜ਼ ਲਈ ਮਨਜ਼ੂਰ ਨਹੀਂ ਹਨ। ਉਧਰ ਕੇਜਰੀਵਾਲ ਦੇ ਵਕੀਲ ਵਿਵੇਕ ਜੈਨ ਨੇ ਕਿਹਾ ਕਿ ਅਰਜ਼ੀ ਵਾਪਸ ਲੈ ਲਈ ਗਈ ਹੈ। ਈਡੀ ਵੱਲੋਂ ਮੀਡੀਆ ਨੂੰ ਇਹ ਬਿਆਨ ਦਿੱਤਾ ਜਾ ਰਿਹਾ ਹੈ। ਅੱਜ ਅਦਾਲਤ ਵਿਚ ਇਸ ਮਾਮਲੇ ਦੀ ਸੁਣਵਾਈ ਹੋਵੇਗੀ।